Tramp Búlik týraly zańǵa júginýi múmkin
ASTANA. KAZINFORM — Prezıdent Donald Tramp ásirese sottar nemese sheneýnikter onyń Ulttyq gvardııany ornalastyrý josparyna kedergi keltiretin bolsa, «qajet bolǵan jaǵdaıda» Búlik týraly zańǵa júginý múmkindigin qarastyratynyn málimdedi, dep habarlaıdy NBC News.
— Eger qajet bolsa, men muny isteıtin edim. Ázirge bunyń qajettiligi bolǵan joq. Eger adamdar óltirilip, sottar, gýbernatorlar nemese merler jolymyzǵa kedergi keltirse, men muny isteıtin edim. Adamdardyń qaza bolmaıtynyna kóz jetkizgim keledi. Biz qalalarymyzdyń qaýipsiz ekenine senimdi bolýymyz kerek, — dedi Donald Tramp.
1807 jylǵy Búlik týraly zań prezıdentke belgili bir jaǵdaılarda azamattyq maqsatta quqyq qorǵaý is-sharalaryn júrgizý úshin AQSh áskerin jumyldyrýǵa múmkindik beredi. Ol sońǵy ret 1992 jyly Los-Andjelestegi tártipsizdikter kezinde qoldanylǵan.
Buǵan deıin Oregon shtatynyń federaldy sýdıasy Tramp ákimshiligine Kalıfornııadan nemese kez kelgen basqa shtattan Ulttyq gvardııa áskerin Oregon shtatynyń Portlend kóshelerine ornalastyrýǵa tyıym salǵanyn habarlaǵan edik.