Tramp BRIKS-ti qoldaıtyn elderge qosymsha baj salyǵyn jarııalady

ASTANA. KAZINFORM - AQSh prezıdenti Donald Tramp BRIKS saıasatyn qoldaıtyn elderge qosymsha 10 paıyzdyq saýda tarıfteri engiziletinin eskertti. Bul týraly ol Truth Social jelisinde jarııalady, dep habarlaıdy TASS.

— BRIKS-tiń antıamerıkalyq saıasatyn qoldaıtyn kez kelgen elge 10 paıyzdyq qosymsha baj salyǵy salynady, - dep jazdy Aq úı basshysy.

Basqa jazbasynda ol 7 shildede Amerıka ákimshiligi basqa elderdi ekijaqty saýdanyń odan ári sharttary, amerıkalyq naryqqa jetkiziletin taýarlarǵa baj salyǵy nemese mámilelerdiń jasalýy týraly habardar ete bastaıdy dep málimdedi.

Kazinform agenttigine TASS seriktes agenttigi arnaıy usyndy.

Aıta keteıik, Rıo-de-Janeıro 6 - 7 shilde kúnderi ótetin 17-shi BRIKS sammıtin qabyldaýǵa daıyndalyp jatyr. Sammıtke 30-dan astam el men halyqaralyq uıym ókilderi qatysady.