Tramp bolat pen alıýmınıı ımportyna baj salyǵyn 50%-ǵa deıin kóterdi

ASTANA. KAZINFORM — AQSh prezıdenti Donald Tramp bolat pen alıýmınııge salynatyn baj salyǵyn 25%-dan 50%-ǵa deıin arttyrý týraly Jarlyqqa qol qoıdy, dep habarlaıdy Aq úı. 

— Bul shara 4 maýsymda kúshine enedi jáne ádiletsiz saýda tájirıbesi men jahandyq artyq qýattan zardap shekken Amerıkanyń mańyzdy bolat pen alıýmınıı ónerkásibin qorǵaýǵa baǵyttalǵan, — delingen qujatta.

Aq úıdiń túsindirýinshe, sheteldik elder AQSh naryǵyn kóbinese úkimetteri sýbsıdııalaıtyn arzan bolat pen alıýmınıımen toltyrǵan. 

Saldarynan AQSh-tyń qurysh quıý ónerkásibiniń qýattylyǵyn paıdalaný kórsetkishi 2021 jylǵy 80%-dan 2023 jyly 75,3%-ǵa deıin tómendedi. 

Birikken Koroldik tarıftiń kóterilýi áser etpeıtin jalǵyz el, ony 25% deńgeıinde saqtaıdy, biraq AQSh-Ulybrıtanııa kelisiminiń mártebesine baılanysty 9 shildeden bastap ózgertýler engizilýi múmkin.

Buǵan deıin AQSh Qytaıdyń keıbir taýaryna baj salyǵyn 31 tamyzǵa deıin toqtatqanyn jazǵan bolatynbyz.