Tramp bıznesin balalaryna berýge nıettenip otyr
ASTANA. QazAqparat - AQSh-tyń saılanǵan prezıdenti Donald Tramp Trump Organization kompanııasyn úlken uldaryna bermek, alaıda bıznestegi óz úlesin saqtap qalýdy josparlaýda, dep jazady New York Times gazeti derekkózge silteme jasap.
Basylym aqparatyna súıensek, Tramptyń qyzy Ivanka kompanııadaǵy jumysynan ýaqytsha shyǵyp, kúıeýi Djared Kýshnermen Vashongtonǵa kóshýi múmkin ekenin atap ótedi basylym. Budan bólek, Ivanka Tramp óziniń jeke bıznesin júrgizetin dırektor taǵaıyndaýdy da oılastyrýda.
Basylym derekkóziniń biri habarlaǵandaı, qazirgi tańda Tramp áýleti Tramp pen onyń qyzynyń josparlaryn júzege asyrýǵa múmkindik beretin «quqyqtyq qurylymdy» zertteýde.
