Tramp bılikke kele sala AQSh-ta jumys isteýge ruqsat beretin mıgratsııalyq qosymshanyń jumysyn toqtatty

ASTANA. KAZINFORM – Tramp 1 mıllıonnan astam mıgranttyń jumys isteý maqsatynda AQSh-qa kirýine ruqsat beretin mıgratsııalyq qocymsha jumysyn toqtatty, dep habarlaıdy Euronews. 

Tramp ákimshiligi mıllıonǵa jýyq adamǵa AQSh-qa zańdy túrde kirýge jáne jumys isteýge múmkindik beretin CBP One qosymshasynan bas tartty.

Mıgranttarǵa ońtústik shekaradaǵy segiz ýchaskede kezdesýge jazylýǵa múmkindik beretin qosymsha endi jumys istemeıdi, al burynnan bar kezdesýler joıyldy, delingen AQSh keden jáne shekara qyzmetiniń Tramp ant bergennen keıin kóp uzamaı jarııalanǵan habarlamasynda.

CBP qosymshasy onlaın lotereıa júıesi arqyly kúnine shamamen 1450 kezdesýdi josparlaıtyn. Ol ásirese Kýba, Venesýela, Gaıtı jáne Meksıka azamattary arasynda tanymal boldy jáne alǵash ret Tramptyń birinshi merziminde kedendik brokerlerge tekserýlerdi josparlaý jáne qysqa merzimdi vızalary bar kelýshiler úshin elde bolý merzimin uzartý tásili retinde engizildi.

Baıden ákimshiliginiń ókilderi bul qosymshany shekarada zańsyz ótýdi boldyrmaı, zańdy baǵyttardy qurýda basty jetistik dep sanaıdy.

Eske sala keteıik, Donald Trampty ulyqtaý rásimi boldy.

Donald Tramp Vashıngtonda ótip jatqan ulyqtaý rásiminde sóz sóılep, Amerıkanyń altyn ǵasyry bastalǵanyn málimdedi.