Tramp BBC-di sotqa beretinin aıtty

ASTANA. KAZINFORM — AQSh prezıdenti VVS-di 2021 jyldyń 6 qańtarynda Donald Tramptyń sózine «qorlaıtyn, teris pıǵyldy» túzetýler engizilgen derekti fılmi úshin oǵan «tıisti ótemaqy» tóleýdi talap etip, sotqa beretinin aıtyp, qorqytty, dep habarlaıdy New York Times.

Prezıdenttiń advokaty Alehandro Brıtonyń hatynda derekti fılmdi tolyqtaı alyp tastaý, keshirim suraý jáne «keltirilgen zalal úshin prezıdent Trampqa tıisti ótemaqy tóleý» talap etilgen.

Eger bul talaptar oryndalmasa, «prezıdent Tramptyń óziniń zańdy jáne ádil quqyqtaryn qorǵaýdan basqa amaly qalmaıdy, atap aıtqanda, kem degende 1 000 000 000 (bir mıllıard dollar) kólemindegi ótemaqy talap etiledi. Eger BBC osy juma kúni saǵat 17:00–ge deıin shara qoldanbasa, sot isi qozǵalady.

«Tramp: ekinshi múmkindik?» dep atalatyn derekti fılm ótken jylǵy prezıdent saılaýy aldynda kórsetilip, BBC-diń onlaın-pleerinen alynyp tastalǵan.

BBC tóraǵasy Samır Shah hatynda «Biz sózdiń óńdelý tásili tikeleı zorlyq-zombylyqqa shaqyrý sııaqty áser qaldyrǵanyn moıyndaımyz. BBC bul qatelik úshin keshirim suraıdy» dep málimdedi.

Biz buǵan deıin Tramptyń sózine qatysty daýdan keıin BBC bas dırektory qyzmetinen ketetinin habarlaǵan edik.