Tramp baj salyǵyn keıinge shegerý arqyly kelissózge ýaqyt berdi

NЬıÝ-DJERSI. KAZINFORM — AQSh prezıdenti Donald Tramp kelesi aıdan bastap Eýropa Odaǵy taýarlaryna salynbaqshy bolǵan 50 % baj salyǵyn engizý týraly sheshiminen bas tartyp, Vashıngton men 27 eldik blok arasyndaǵy kelissózderge jetistikke jetýge taǵy ýaqyt berý maqsatynda merzimdi 9 shildege deıin uzartýǵa kelisti, dep jazdy Reuters. 

Tramp juma kúni kelissózder jyldam júrmeı jatqanyna narazy bolyp, 1 maýsymnan bastap 50 % baj salýdy usynǵan edi. Bul málimdeme jahandyq qarjy naryǵynda tolqýlar týǵyzyp, saýda soǵysyn ýshyqtyrdy.

Alaıda Eýropa Komıssııasynyń tóraıymy Ýrsýla fon der Lıaıen jeksenbi kúni Trampqa qońyraý shalyp, kelissózder úshin qosymsha ýaqyt qajet ekenin aıtqannan soń, ol saıasatyn jumsartyp, ótinishti qabyl aldy. «Biz óte jaqsy áńgime ótkizdik, sondyqtan men merzimdi jyljyttym», – dedi Tramp Nıý-Djersıden Vashıngtonǵa oralý jolynda jýrnalısterge.

Fon der Lıaıen X (burynǵy Twitter) platformasynda Tramppen «jaqsy áńgime» bolǵanyn jazyp, EO-nyń tez arada áreket etýge daıyn ekenin jetkizdi: «Jaqsy mámile jasaı alýymyz úshin bizge 9 shildege deıin ýaqyt kerek». Uzdartylǵan merzim jarııalanǵan soń eýro men AQSh dollary ıen men shveıtsar frankine qaraǵanda nyǵaıdy.

Alǵashqy 90 kúndik kelissóz terezesin naýryzda 9 shildege deıin dep belgilegen Tramp, biraq sońynda mámile izdemeıtinin málimdep, «mámile – 50 %» dep aıtqan edi. Ol kezde AQSh jáne Eýropa qor naryqtary quldyrap, dollar álsiredi.

Sáýirde jarııalanǵan birneshe elge baj salyǵynyń engizilýi qarjy naryǵyn dúrliktirse de, keıin Tramp kelissózderge basymdyq berdi: Vashıngton Ulybrıtanııamen kelisimge, Qytaımen talqylaýǵa qol jetkizdi, alaıda EýroOdaqpen qatynastardyń baıaýlyǵy «Amerıka birinshi» ustanymyna jáne kepildendirilgen qorǵanysqa qatysty shıelenisti kúsheıtip otyr.

Buǵan deıin habarlanǵandaı, AQSh prezıdenti Donald Tramp Eýroodaq elderinen AQSh-qa jetkiziletin taýarlarǵa 50% kedendik baj salyǵyn engizýdi usynǵan edi.