Tramp Baıdendi qupııa aqparatqa qol jetkizý quqyǵynan aıyrdy
ASTANA.KAZINFORM - AQSh prezıdenti Donald Tramp ózinen burynǵy prezıdent Djo Baıdendi qupııa aqparatqa qol jetkizý quqyǵynan aıyrdy, dep habarlaıdy BILD.
- Djo Baıdenge qupııa aqparatqa qol jetkizýdi jalǵastyrýdyń qajeti joq. «Sondyqtan biz Djo Baıdenniń qaýipsizdik ruqsatyn dereý alyp tastaımyz jáne onyń kúndelikti barlaý brıfıngterin toqtatamyz, - dep jazdy Aq úı basshysy óziniń Truth áleýmettik jelidegi paraqshasynda.
Baıden 2021 jyly Barlaý qaýymdastyǵyna Tramptyń ulttyq qaýipsizdik aqparatyna qol jetkizýin toqtatýǵa nusqaý bergende «pretsedent ornatty», dedi ol.
Prokýratýra esebi Baıdenniń «este saqtaý qabileti nashar» ekenin kórsetti jáne onyń este saqtaý qabileti jaqsy bolǵan kúnde de oǵan senýge bolmaıdy, dep jazdy Tramp.
- Men árqashan ulttyq qaýipsizdigimizdi qorǵaımyn. Djo, sen jumystan bosatyldyń. Amerıkany qaıtadan uly etemiz! – dep jazdy AQSh prezıdenti.
AQSh Memlekettik hatshysy Tramptyń Gazany basyp alý týraly usynysynan keıin Taıaý Shyǵysqa baratynyn jazǵan bolatynbyz.