Tramp Baıden jarııalaǵan raqymshylyqtyń kúshin joıdy

ASTANA.KAZINFORM - AQSh prezıdenti Donald Tramp burynǵy prezıdent Djo Baıden jarııalaǵan raqymshylyq aktilerine avtomatty qol qoıý qurylǵysy qol qoıǵandyqtan jaramsyz ekenin aıtty.

– Djo Baıden jarııalaǵan «raqymshylyq» kúshi joıyldy dep jarııalandy, olar Autopen (avtomatty qoltańba qurylǵysy) arqyly jasalǵandyqtan, budan ári kúshin joıady. Bylaısha aıtqanda, oǵan Djo Baıden ózi qol qoımaǵan. Odan da soraqysy, ol olar týraly eshteńe bilmegen! – dep jazdy Tramp Truth áleýmettik jelisinde.

Prezıdenttiń aıtýynsha, Baıdenge qujat týraly túsinik berilmegen jáne ol qujat mazmunynan múlde beıhabar bolǵan.

– Ol qujat týraly eshteńe bilmedi, al biletin adamdar qylmys jasaýy múmkin, - dedi amerıkalyq kóshbasshy.

Ol bul istiń barlyq mán-jaıyn anyqtaý úshin «joǵary deńgeıde tergeý júrgizýge» ýáde berdi.

2024 jyldyń jeltoqsanynda Baıden 39 zorlyq-zombylyq jasamaǵan tutqynǵa raqymshylyq jasap, taǵy 1500-ge jýyq túrmedegilerdiń jazasyn jeńildetti.

Prezıdenttikten keter aldynda ol otbasynyń keıbir múshelerine raqymshylyq jasaý týraly sheshim qabyldady.

Qyzmetiniń sońǵy kúnderinde Baıden taǵy bes tutqynǵa raqymshylyq jasady.