Tramp: Baıden meniń golfqa shaqyrýymdy qabyldamaı júr

ASTANA. KAZINFORM — AQSh prezıdenti Donald Tramp burynǵy prezıdent Djo Baıdendi golf oınaýǵa shaqyrǵanyn, biraq Baıdenniń odan bas tartqanyn málimdedi. Bul týraly TASS jazdy.

— Men ony shaqyrdym, biraq ol kelgisi kelmeıdi, — dedi Tramp áskerı qyzmetkerlermen beınebaılanys arqyly sóıleskende.

Ol ózin jaqsy golf oıynshysy dep esepteıtinin de jasyrmady.

Ótken jyldyń naýryzynda sol kezdegi AQSh prezıdenti Djo Baıden Trampqa birge golf oınaýdy usynǵan. Eger Tramp taıaqsha sómkesin ózi tasıtyn bolsa, úsh soqqy artyqshylyq berýge ýáde etken edi. 2024 jyldyń maýsymynda AQSh prezıdenttigine úmitkerler debatynda Tramp pen Baıden golftaǵy jetistikterin talqylap, bir-birimen pikirtalasqa túsken.

jalpy, Tramp golfqa degen qyzyǵýshylyǵymen de tanymal. HuffPost portaly naýryzda habarlaǵandaı, onyń Florıdadaǵy golf alańdaryndaǵy demalysy 18 mıllıon dollardan astam shyǵynǵa ákelgen. Joǵary shyǵyndar alańdardyń úlkendigimen, olardyń qaýipsizdigin qamtamasyz etý úshin AQSh Teńiz gvardııasynyń keme qyzmetterin jáne basqa da kúshtik qurylymdardyń qyzmetkerlerin tartýmen baılanysty bolǵan.

Burynǵy prezıdenttik merzimde golf oınaý kezinde Tramptyń qaýipsizdigin qamtamasyz etýge ketken shyǵyndar 151,5 mıllıon dollarǵa jetken.

Eske sala ketsek, buǵan deıin Tramp Aq úıdegi Baıdenniń portretiniń ornyna avtoqalam sýretin ornatqanyn jazǵanbyz.