Tramp balalardy vaktsınatsııalaý usynysyn ózgertý týraly jarlyqqa qol qoıdy
ASTANA.KAZINFORM - AQSh prezıdenti Donald Tramp qyzylsha, parotıt jáne qyzamyqqa qarsy MMR vaktsınasy qaýipti bolýy múmkin ekenin málimdedi jáne aýtızm qaýpin azaıtý úshin osy úsh vaktsınany bólek engizýdi talap etti, dep habarlaıdy New York Post.
Tramp jarlyqqa densaýlyq saqtaý mınıstri Robert kishi Kennedımen birge qol qoıdy jáne ákimshilik balalardy vaktsınatsııalaý boıynsha usynystardyń «altyn standartyn» 17 emes, tek 11 negizgi aýrýǵa ǵana qarastyratynyn atap ótti.
Prezıdent jas balalarǵa arnalǵan vaktsınatsııalardyń qaýipsizdigine kúmánmen qarady.
-Biz MMR vaktsınasy ártúrli ýaqytta jasalatyn úsh bólek vaktsınadan turýyn qaladyq. Olardy birge salý óte qaýipti bolýy múmkin, al jeke alǵanda qaýip bolmaıdy. Sondyqtan biz MMR vaktsınatsııalaryn ártúrli ýaqytta jasatqymyz keledi, - dedi Donald Tramp.
Tramp sonymen qatar ata-analardyń balalary qandaı vaktsınatsııa alatynyn tańdaý múmkindigi bolatynyn da atap ótti.
Buǵan deıin Kongoda Ebola indeti bosqyndarǵa arnalǵan lagerlerge taralǵany habarlanǵan bolatyn.
