Tramp BAQ-taǵy úgit-nasıhat úshin $140 mln jumsaıdy
ASTANA. QazAqparat - Respýblıkalyq partııadan AQSh prezıdenttigine úmitker Donald Tramp saılaýǵa deıin óz kandıdatýrasyn qoldaý maqsatynda BAQ-ta úgit-nasıhat jumystaryn júrgizýge $140 mln jýyq qarajat jumsaýǵa nıetti.
Bul týraly jumada Associated Press (AP) agenttigi habarlady.
Mıllıarderdiń saılaý shtabynyń ókili Djeıson Mıllerdiń aıtýynsha, $100 telejarnamaǵa, qalǵan $40 elektrondyq BAQ-ta úgit-nasıhat júrgizýge jumsalady. Saılaý 8 qarashada ótedi.
Tramp qarsylasy demokrat Hılları Klıntonǵa qaraǵanda, úgit-nasıhatqa edáýir az qarajat jumsady. The Washington Post gazetiniń esebinshe, respýblıkalyqtyń shtaby prezıdent ornyna talas bastalǵan sátten bastap, bul maqsatqa $90 mln jumsaǵan. Bul rette demokrattan úmitkerdiń jarnamaǵa shyǵysy tamyzda $300 mln. asyp ketken.
Reuters agenttigi men halyqaralyq Ipsos sotsıologııalyq ortalyǵynyń birlesip júrgizgen sońǵy saýalnamasynyń nátıjesi boıynsha Klınton Tramptan tórt paıyzdyq tarmaq alda keledi.
