Tramp Baǵaly qaǵazdar jáne bırjalar jónindegi komıssııanyń tóraǵasy qyzmetine Pol Atkınsti taǵaıyndamaq

ASTANA. KAZINFORM – AQSh-tyń jańadan saılanǵan prezıdenti Donald Tramp Baǵaly qaǵazdar jáne bırjalar jónindegi komıssııanyń (SEC) tóraǵasy qyzmetine krıptovalıýta naryǵyn qoldaıtyn Pol Atkınsti usynbaq, dep habarlaıdy Kazinform tilshisi CBS News-ke silteme jasap.

Tramp «Patomak Partners» kompanııasynyń bas dırektory jáne SEC-tiń burynǵy komıssary Pol Atkınsti naryqty shekten tys retteýge qarsy shyqqanda óz qabiletin dáleldegen kóshbasshy dep sanaıtyndyǵyn málimdedi.

- Sonymen qatar ol tsıfrlyq aktıvter men basqa da ınnovatsııalardyń AQSh-ty burynǵydan da uly el etýdegi mańyzdylyǵyn moıyndaıdy», - dep jazdy Donald Tramp Truth Social jelisinde.

Komıssııa AQSh-tyń baǵaly qaǵazdar naryǵy men ınvestıtsııalaryn qadaǵalaıdy. Qazir bul uıymdy krıptoındýstrııaǵa qarsy Garı Gensler basqaryp otyr.

Aıta keteıik, D.Tramp buǵan deıin AQSh-ty «planetanyń krıptografııalyq astanasy» etýge jáne bıtkoınderdiń «strategııalyq rezervin» qurýǵa ýáde bergen.

Onyń saılaýdaǵy jeńisi krıptovalıýtalar baǵasynyń ósýine yqpal etti. Qazir bıtkoınniń quny 100 myń dollardan asady, al Coinbase krıptografııalyq platformasynyń aktsııalary 70%-ǵa ósken.

Osyǵan deıin Tramp óziniń eki qudasyn joǵary memlekettik qyzmetke usynǵany týraly jazdyq.