Tramp BAÁ-ge bardy
ASTANA.KAZINFORM - Abý-Dabıdegi kelissózderde AQSh pen BAÁ arasyndaǵy jasandy ıntellekt pen ozyq tehnologııalar salasyndaǵy yntymaqtastyq máseleleri talqylanady, dep habarlaıdy TASS.
AQSh prezıdenti Donald Tramp Taıaý Shyǵys saparynyń sońynda Birikken Arab Ámirlikterine keldi. Prezıdenttiń Air Force One ushaǵy Abý-Dabı halyqaralyq áýejaıyna qondy, dep habarlaıdy Sky News Arabia.
Tramp Qatardaǵy qysqa saparyn AQSh-tyń Taıaý Shyǵystaǵy eń iri áskerı qondyrǵysy Ál-Ýdeıd áýe bazasynda amerıkalyq áskerler aldynda sóılegen sózimen aıaqtady. Abý-Dabıdegi kelissózderde jasandy ıntellekt pen ozyq tehnologııalar salasyndaǵy AQSh pen BAÁ yntymaqtastyǵy talqylanbaqshy.
Tramptyń Parsy shyǵanaǵy elderine sapary úsh kúnge sozyldy jáne iri ekonomıkalyq kelisim jasaldy. Olardyń arasynda AQSh pen Saýd Arabııasy arasyndaǵy kelisimder men ınvestıtsııalyq mindettemelerdiń 600 mıllıard dollarlyq paketi, sondaı-aq Qatar Airways-ke 210 keń fıýzelıajdy Boeing ushaǵyn jetkizý týraly kelisimshart bar. AQSh pen Saýd Arabııasy arasyndaǵy kelisimder, koroldikke 142 mıllıard dollarlyq amerıkalyq qarý-jaraq jetkizýdi qarastyrady. Bul eki el arasyndaǵy yntymaqtastyqtyń eń úlken qorǵanys kelisimine aınaldy.
Tramp Abý-Dabıge sapary barysynda BAÁ prezıdenti sheıh Muhammed ben Zaıd Ál Nahaııanmen jáne basqa da joǵary laýazymdy tulǵalarmen kezdesedi. BAÁ jasandy ıntellekt salasyndaǵy álemdik kóshbasshylardyń biri bolýǵa nıetti jáne AQSh-tyń jańa ákimshiliginiń qoldaýyna senedi.
AQSh-tyń burynǵy prezıdenti Djo Baıden Vashıngton men Beıjiń arasyndaǵy shıelenistiń kúsheıýine baılanysty zamanaýı derekter ortalyqtarynda qoldanylatyn ozyq chıpterdi eksporttaýǵa shekteýdi kúsheıtken bolatyn.
Aıta keteıik, Tramp 2028 jylǵy prezıdent saılaýyna qatysýy múmkin.
Kazinform úshin arnaıy TASS seriktestik agenttigi usynǵan.