Tramp Aýǵanstan men OA boıynsha jańa strategııa jóninde málimdeme jasaıdy
ASTANA. QazAqparat - AQSh Prezıdenti Donald Tramp dúısenbi kúni Aýǵanstandaǵy amerıkalyqtar kontıngentin arttyrý jóninde jáne atalmysh elge qosymsha 4 myń áskerı qyzmetshi attandyrylatynyn jarııalaıtyn bolady. Bul týraly TASS agenttigi CBS arnasyna silteme jasap habarlady.
Vashıngton ákimshiligindegi derekkózderdiń málimetinshe, Tramp AQSh-tyń Aýǵanstan men Ońtústik Azııadaǵy jańa stragegııasy jóninde jarııalaıdy. CBS telearnasy, sondaı-aq Aq úı Pákistandy lańkestikti qarjylandyratyn demeýshi-elder tizimine engizip, atalmysh ıslam respýblıkasyna kómek kólemin azaıtý jáne ony AQSh-tyń NATO-dan tys negizgi odaqtasy tiziminen alyp tastaý múmkindigin qarastyrǵanyn atap ótti. Bul rette, ákimshilikten habarlaǵandaı, bul josparlar prezıdent málimdeme jasaǵanǵa deıin ózgerýi yqtımal.
Pentagonnyń baspasóz qyzmeti telearnanyń aqparatyna túsinik berýden bas tartyp, bas qolbasshynyń málimdemesin kútýge keńes berdi.
Jeksenbi kúni Aq úıdiń baspasóz hatshysy Sara Sanders prezıdent Tramp 21 tamyz kúni Amerıkanyń Aýǵanstan men Ońtústik Azııa boıynsha jańa strategııasy týraly málimdeme jasaıtynyn aıtqan bolatyn.
