Tramp Atlant nemese Tynyq muhıtyn óz atymen ataýdy usyndy
ASTANA. KAZINFORM — AQSh prezıdenti Donald Tramp qyzmetinen ketpeı turyp Atlant nemese Tynyq muhıttarynyń biriniń ataýyn «Tramp muhıty» ne «Amerıka muhıty» dep ózgertýdi josparlap otyr, dep jazady TASS.
— Bizge muhıt kerek. Sondyqtan Atlant muhıtyn nemese Tynyq muhıtyn ózgertýdi oılap júrmin. Ony «Tramp muhıty» nemese «Amerıka muhıty» dep ataımyz. Shamamen osyndaı ataý bolady. Muny men qyzmetimnen ketpeı turyp jasaýymyz kerek. Meniń oıymsha, bizge óz muhıtymyz kerek, sondaı-aq uly ózenimiz de bolýy qajet. Biraq Mıssısıpı ózeniniń ataýyn ózgertpeımin. Maǵan Mıssısıpı unaıdy, — dedi ol.
Sondaı-aq Donald Tramp Ormýz buǵazyn «Tramp buǵazy» dep qaıta ataý múmkindigin taǵy da sóz etti.
Buǵan deıin AQSh prezıdenti Meksıka shyǵanaǵyn «Amerıka shyǵanaǵy», al Ontarıo kólin «Amerıka kóli» dep qaıta ataý týraly jarlyqtarǵa qol qoıǵan. Bul qujattar federaldyq úkimettiń resmı qujattary men federaldyq kartalarda atalǵan geografııalyq nysandardyń qalaı atalatynyn ózgertedi. Degenmen, Tramptan keıingi prezıdentter bul ózgeristerdiń kúshin joıatyn atqarýshylyq jarlyqtarǵa qol qoıýy múmkin.
Aıta keteıik, buǵan deıin AQSh prezıdenti Nıý-Meksıko shtatyn «Jańa Amerıka» dep qaıta ataýdy usynǵan bolatyn.
