Donald Tramp «Amerıkany qutqarý» zańyn qabyldaýǵa shaqyrdy

ASTANA. KAZINFORM — AQSh prezıdenti Donald Tramp «Save America» zańy Senatta qabyldanatynyn aıtty. Ol bul týraly Truth Social áleýmettik jelidegi paraqshasynda jarııalady.

- AQSh úshin saılaýshynyń jeke basyn rastaıtyn qujat, azamattyqty dáleldeýden basqa mańyzdy eshteńe joq. Bul sheshimdi qabyldańyzdar, sonda qanshama jaqsy jańalyq bolatynyn kóresizder, — dep jazdy ol.

AQSh prezıdenti saılaý erejelerin qatańdatýǵa baǵyttalǵan SAVE America Act («Amerıkany qutqarý») zań jobasyn belsendi túrde nasıhattap jatyr. Qujat saılaýshynyń jeke kýáligin mindetti túrde kórsetýdi, daýys berý kezinde azamattyǵyn rastaýdy, sondaı-aq kóp jaǵdaıda poshta arqyly daýys berýdi shekteýdi qarastyrady.

Aıta keteıik, buǵan deıin AQSh-ta Tramptyń beınesi bar meretoılyq altyn moneta jasalyp jatqany týraly jazdyq.