Tramp amerıkalyq ABC jáne NBC telearnalarynyń lıtsenzııalaryn qaıtaryp alýdy usyndy

ASTANA. KAZINFORM-AQSh prezıdenti Donald Tramp amerıkalyq ABC pen NBC telekompanııalarynyń lıtsenzııalaryn qaıtaryp alý kerektigin aıtty.

Bul týraly Aq úıdiń basshysy óziniń Truth Social áleýmettik jelisindegi paraqshasynda jazdy.

- ABC pen NBC Fake News eń nashar telearnalar jáne olar maǵan kúnde 97 paıyz jaǵymsyz jańalyq jetkizedi. Eger jaǵdaı osyndaı bolsa, onda olar demokratııalyq partııanyń bóligi sanalady. Federaldy komıssııa olardyń lıtsenzııasyn qaıtaryp alýy kerek. Men buny tolyqtaı qoldaımyn, sebebi jalǵan aqparat taratatyn atalǵan telearnalar memleketke qaýip týdyryp otyr,-dep jazdy Tramp.

AQSh prezıdentiniń pikirinshe, respýblıkalyqtar men konservatorlardyń qyzmetine durys baǵa bermegeni úshin atalǵan telearnalardy lııenzııasynan aıyrý kerek nemese bul arnalar eń qymbat efırdi paıdalaný múmkindigine ıe bolǵany úshin qomaqty aqsha tóleý kerek.

-Ádiletsiz jýrnalıstıkany yntalandyrmaı, kerisinshe qutý kerek,-dedi Tramp.

Buǵan deıin Tramp Tramp Meksıkamen aradaǵy qabyrǵany qara túske boıap tastaýdy buıyrǵan bolatyn.