Tramp áleýmettik jelilerdiń qyzmetin retteıtin jarlyqqa qol qoıdy

VAShINGTON. QazAqparat – Beısenbi kúni AQSh prezıdenti Donald Tramp eldegi áleýmettik jelilerdiń qyzmetin retteýge baǵyttalǵan jarlyqqa qol qoıdy, dep habarlaıdy QazAqparat CNN agenttigine silteme jasap.

Jarlyqqa qol qoımas buryn Aqúıde sóılegen Tramp, bul qadam «sóz bostandyǵyn ózi tap bolǵan Amerıka tarıhyndaǵy eń qaýipti qaýipterdiń birinen qorǵaýy tıistigin» málimdedi.

Tramptyń aıtýynsha, áleýmettik jelilerdiń monopolııalary Amerıka Qurama Shtattaryndaǵy qoǵamdyq jáne jeke kommýnıkatsııalardyń basym bóligin basqarady. Sondaı-aq áleýmettik jeliler jeke adamdar men keń aýdıtorııa arasyndaǵy baılanystyń kez kelgen túrin tsenzýraǵa tekserip, shektep, redaktsııalap jáne ózgerte alatyndaı baqylaýsyz bılikke ıe ekenin atap ótti.

Jarlyqtyń mátini «Kommýnıkatsııa tártibi týraly» zań retinde belgili zańǵa baǵyttalǵan. Osy Zańnyń 230-taraýy ózderiniń jeke platformalaryn baqylaıtyn jáne basqaratyn veb-saıttarǵa ımmýnıteti myqty jáne buryn-sońdy bolmaǵan qorǵaýdy qamtamasyz etedi. Bul áleýmettik jeliler beıtarap platforma bolyp tabylady degen teorııaǵa negizdelgen.