Tramp: AQSh Venesýeladaǵy aılaqqa soqqy jasaǵanyn málimdedi
ASTANA. KAZINFORM — AQSh prezıdenti Donald Tramp Amerıka Qurama Shtattary Venesýeladaǵy «kemelerge esirtki tıelip jatyr» dep sanalǵan aılaqqa soqqy jasaǵanyn málimdedi. Bul týraly Kazinform tilshisi ABC News-ke silteme jasap habarlady.
Bul málimdeme Tramptyń juma kúni radıoǵa bergen suhbatynda AQSh Venesýelada «iri nysandy joıǵanyn» aıta kele, óz ákimshiliginiń aımaqtaǵy esirtki tasymalyna qarsy áreketterine, sonyń ishinde esirtki tasymaldaıtyn qaıyqtarǵa qoldanǵan amalyna jaqsy baǵa bergennen soń jasaldy.
Tramptyń sózi shyn bolsa, bul Tramp ákimshiliginiń Venesýelaǵa qarsy kompanııasy bastalǵaly bergi alǵashqy qurlyqtaǵy shabýyly bolmaq.
— Olar onda qaıyqtarǵa esirtki tıeıdi. Biz sol qaıyqtarǵa soqqy jasadyq, endi bul aımaqqa da soqqy jasap jatyrmyz. Bul — olardyń saýda jasaıtyn aımaǵy. Endi ol aımaqtyń kúl-talqany shyǵady, — dedi Donald Tramp.
Budan buryn Tramp AQSh-tyń munaı men tankerdi Venesýelaǵa qaıtarý jospary joq ekenin málimdegen edi.
AQSh Venesýelanyń munaı tasymaldaıtyn 6 kompanııasyna sanktsııa saldy.
Óz kezeginde Venesýela BUU Qaýipsizdik Keńesi tótenshe otyrysyn ótkizýdi surady.
Sonymen qatar Venesýela prezıdenti Madýro eliniń egemendigin qorǵaýǵa daıyn ekenin aıtty.