Tramp AQSh-tyń jańa memlekettik hatshysynyń esimin atady
ASTANA. QazAqparat - AQSh-tyń saılanǵan prezıdenti Donald Tramp eldegi «ExxonMobil» iri munaı kompanııasynyń basshysy Reks Tıllersondy memlekettik hatshy laýazymyna tańdady.
Bul týraly shetel BAQ-tary habarlaǵan bolatyn, alaıda keıinirek bul aqparattyń rastyǵyn Tramp óziniń Twitter paraqshasynda Tıllersonnyń álemdegi uly bıznes kóshbasshylarynyń biri retinde atap ótedi.
«Onyń shydamdylyǵy, tájirıbesiniń moldyǵy jáne geosaıasatty túsine bilý qabileti memlekettik hatshy retinde tańdaýyma sebepker boldy. Ol óńirlik turaqtylyqty qamtamasyz ete otyryp, ulttyq qaýipsizdiktegi AQSh-tyń ózekti múddelerin qanaǵattandyrady», - dep keltiredi Reıter agenttigi Tramptyń málimdemesin.
Reks Tıllerson 64 jasta. Ol Ostındegi Tehas ýnıversıtetin támamdaǵan. Tıllerson ómiriniń qyryq jylǵa jýyq ýaqytyn ExxonMobil-ge arnaǵan. Alǵashqyda qatardaǵy ınjener retinde jumysqa kelgen ol 1990 jyldary kompanııanyń Reseıdegi jobalarymen aınalysty.
