Tramp AQSh-tyń ıadrolyq áleýetin arttyrý qajettigin aıtty
ASTANA. QazAqparat - AQSh-tyń jańadan saılanǵan prezıdenti Donald Tramp AQSh ıadrolyq qarýlaný salasyndaǵy múmkindikterin aıtarlyqtaı keńeıtýi tıistigin málim etti, dep habarlaıdy QazAqparat Reseı Jańalyqtary agenttigine silteme jasap.
«Jer-jahan ıadrolyq bombalarǵa qatysty esin jımaı turǵanda Qurama Shtattar óziniń ıadrolyq múmkindikterin aıtarlyqtaı nyǵaıtýy jáne keńeıtýi tıis», - dep jazdy Tramp Twitter-de. Tramp óziniń jazbasyna qatysty tolyq mán-jaıdy atap ótpedi.
Eske salaıyq, Donald Tramp Hıları Klıntonmen ótken saılaýaldy pikirtalasta Reseıdiń ıadrolyq arsenaly amerıkalyqqa qaraǵanda jańa, al AQSh múmkindikteri tozǵanyn atap ótken bolatyn.
«Tramp ıadrolyq qaýipti eń úlken qater» dep atady jáne mundaı qarýdan tolyǵymen bas tartý jón bolaryn qosyp ótti. Biraq óziniń prezıdenttik qyzmetinde ıadrolyq qarýsyzdanýdy birinshi bolyp bastamaıtyndyǵyn qadap aıtty.
