Tramp AQSh-tyń Kýbaǵa qatysty saıasatyn qaıta qaramaqshy
ASTANA. QazAqparat - Donald Tramp ákimshiligi AQSh-tyń Kýbaǵa qatysty saıasatyn qaıta qaraıtyn boldy. Bul týraly Aq úı baspasóz hatshysy Shon Spaıser málim etti, dep habarlaıdy Habar 24 telearnasy.
Onyń aıtýynsha, prezıdent Tramp úshin álemde adam quqyǵyn qorǵaý máselesi mańyzdy bolyp sanalady. «Sondyqtan jańa ákimshilik Kýbamen qarym-qatynas jasaý barysynda bul másele aldyńǵy qatarǵa shyǵady», - deıdi ol.
Esterińizge sala keteıik Qurama Shttardyń burynǵy prezıdenti Barak Obama 2014 jyldan bastap aralda memleketpen qatynasty jaqsartýdy qolǵa alǵan. 2015 jyly Vashıngton men Gavana elshiligin ashady.
Sondaı-aq birqatar shekteý alynyp, amerıkalyq kásipkerlerge bıznespen aınalysýǵa, ruqsat etiledi. Biraq Kýbaǵa salynǵan embargo tolyq alynbaǵan bolatyn. Ony tek Kongress alyp tastaı alady.
