Tramp AQSh-tyń Qazaqstandaǵy elshisin aýystyrmaq
ASTANA. QazAqparat -AQSh prezıdenti Donald Tramp dúısenbi kúni óz ákimshiligindegi tirek laýazymdardy jańa qyzmetkerler keletini týraly málimdedi. Sonyń ishinde AQSh-tyń Qazaqstandaǵy elshisi qyzmetine Ýılıam Mozerdiń kandıdatýrasy usynyldy, dep habarlaıdy «QazAqparat» HAA Aq úıdiń baspasóz qyzmetine silteme jasap.
Elshi Mozer Qazaqstanmen jaqsy tanys. Buǵan deıin ol AQSh-tyń Almatydaǵy dıplomatııalyq mıssııasynda energetıka jáne ekonomıka máseleleri jónindegi attashe retinde jumys istegen.
Mozer dıplomatııalyq qyzmettegi karerasyn 1984 jyly bastaǵan. AQSh-tyń Ýkraınadaǵy, Qazaqstandaǵy, Egıpettegi, Sýrınamdaǵy, Malıdegi jáne Moldovadaǵy elshilikterinde qyzmet atqarǵan.
Sońǵy jyldary Mozer memlekettik departament basqarmasy bastyǵynyń birinshi orynbasary laýazymynda AQSh-tyń búkil álemdegi dıplomatııalyq ókildikteri ǵımarattaryn salý jáne paıdalaný jónindegi jumystardy istegen.
Amerıkalyq dıplomat Soltústik Karolına shtatynda týǵan, jergilikti ýnıversıtette bilim alǵan. Ol orys, nemis, frantsýz tilderin biledi.
Aıta keteıik, elshi kandıdatýrasy usynylǵan soń ony AQSh Senaty bekitýi qajet.
Foto: ukrainiansinmd.files.wordpress.com
