Tramp AQSh-tyń eks-prezıdenti Palestınaǵa aýdaryp jibergen aqshany toqtatyp qoıdy
ASTANA. QazAqparat - Donald Tramptyń Ákimshiligi Barak Obama óziniń prezıdenttik qyzmettegi sońǵy saǵattarynda Palestınaǵa aýdaryp jibergen aqshany toqtatyp qoıǵanyn málim etti.
Bul týraly Palestınadaǵy joǵary laýazymdy derekkózge silteme jasap The Times of Israel habarlady.
Basylym suhbattasynyń aıtýynsha, AQSh ókilderi seısenbi kúni Palestınanyń premer-mınıstri Ramı Hamdallýǵa qarajat aldaǵy taıaý ýaqytta aýdarylmaıtyndyǵyn málim etken, dep jazady «RIA Novostı» agenttigi.
Memlekettik departament burynǵy ákimshilikpen qabyldanǵan sheshimdi qaıta qarap, Tramp ákimshiliginiń basymdyqtaryna sáıkes túzetý engizýi múmkin.
Buǵan deıin habarlanǵandaı , Barak Obamanyń Ákimshiligi óz jumystarynyń sońǵy saǵattarynda Palestınaǵa 221 mln dollardy aýdaryp jiberdi. Transhtyń júzege asyrylatyndyǵyn Kongreske 20 qańtarda, Donald Tramptyń ınaýgýratsııasy kúni habardar etilgen. Respýblıkalyq partııa ókilderi bul aqshanyń aýdarylýyna birneshe márte qarsylyqtaryn bildirgen bolatyn.
