Tramp AQSh-ta jetildirilgen qarý-jaraq baryn aıtty

ASTANA. KAZINFORM — Amerıka prezıdenti Donald Tramp AQSh-tyń arsenalynda kópshilikke bar-joǵy belgisiz bolyp qalatyn jetildirilgen qarý-jaraq júıeleriniń bar ekenin jarııalady. Bul týraly TASS agenttigi jazdy.

Aq úıde Avstralııa premer-mınıstri Entonı Albanespen kezdesýdiń aldynda jýrnalıster Tramptan AQSh Qytaıdan ondaǵan jyldar boıy artta qalýy múmkin degen boljamdarǵa túsinikteme berýin surady.

— Siz qajetsiz gazetterdi oqyp júrsiz. <…> Biz Qytaıdan áskerı jaǵynan áldeqaıda ozyp kettik. Amerıka Qurama Shtattary qarý-jaraqtyń barlyq túrleri boıynsha olardan áldeqaıda alda. Olar tek kemeni kóptep shyǵarady. Muny biz de jasaımyz jáne qýyp jetemiz, — dedi ol.

Tramp sonymen qatar qazir jasandy ıntellekt tehnologııalarynyń óte mańyzdy ekenin atap ótti.

Eske salaıyq, Donald Tramp Kolýmbııaǵa qarjylaı kómekti toqtatty.