Tramp AQSh-tyń ıadrolyq qýatyn keńeıtý týraly 4 buıryqqa qol qoıdy

ASTANA. KAZINFORM – AQSh-tyń jańa saıasatynyń maqsaty – aldaǵy 25 jylda atom energııasyn óndirýdi tórt esege arttyrý, dep habarlaıdy Kazinform DW-ge silteme jasap.

AQSh prezıdenti 23 mamyrda Amerıka Qurama Shtattarynda atom energııasyn paıdalanýdy aıtarlyqtaı keńeıtýge baǵyttalǵan tórt buıryqqa qol qoıdy. Olardyń biri ıAdrolyq retteý komıssııasynyń radıatsııalyq áserdiń qolaıly deńgeıine tym saqtyqpen qaraýǵa septigin tıgizedi. 

– Tramp qol qoıǵan buıryq komıssııadan 18 aı ishinde ıadrolyq reaktor qurylysyn maquldaýdy talap etedi dep kútilip otyr. Bul ádette jyldarǵa sozylatyn protsesti tezdetedi. Taǵy bir qujat energetıka jáne qorǵanys vedomstvolaryna federaldyq jerlerde ıadrolyq reaktorlar salýǵa múmkindik beredi. Ol sondaı-aq ıadrolyq energııany qorǵanys qajettilikteri men jasandy ıntellekt (AI) operatsııalary úshin paıdalanýǵa jol ashady, - dep jazady The Hill. 

AQSh bıligi osy saladaǵy Qytaı men Reseıge táýeldilikten qutylý úshin óz elinde ýran óndirý men baıytý salasyn da keńeıtýdi josparlap otyr. 

Tramp ıadrolyq energııa óndirisin tórt esege arttyrǵysy keledi 

Reuters atap ótkendeı, Tramp ákimshiligi jasandy ıntellektiniń órkendeýine baılanysty ondaǵan jyldardaǵy birinshi ret elektr energııasyna suranystyń ósýine tap boldy.

– Tramp bılikke kelgen birinshi kúni-aq ulttyq energetıkalyq tótenshe jaǵdaı jarııalady, - dep eske alady Reuters.

AQSh-tyń Energetıka mınıstri Krıs Raıt AI úshin qajet jańa qýat kózderi men derekter ortalyqtaryn damytý «Manhetten jobasy 2» bolatynyn aıtty.