Tramp AQSh pen Ýkraına arasynda barlaý aqparatyn almasý qaıta jandanǵanyn málimdedi
ASTANA. KAZINFORM – AQSh prezıdenti Donald Tramp AQSh pen Ýkraına arasynda barlaý aqparatyn almasý qalpyna kelgenin málimdedi, dep habarlaıdy VVS.
Ol sondaı-aq Saýd Arabııasynda amerıkalyq jáne ýkraındyq sheneýnikterdiń aldaǵy kelissózderinen jaqsy nátıje kútetinin aıtty.
Aqparat almasýdy qaıta bastaýdy qarastyryp jatyr ma degen suraqqa Tramp:
— Biz muny derlik jasadyq, — dedi.
Saýd Arabııasyndaǵy kelissózderge qatysty ol: «Osy aptada úlken jetistikterge jetetinimizge senemin» dedi.
Kıevpen barlaý málimetterin almasýdyń toqtatylýy ótken aptada amerıkalyq áskerı kómektiń aıaqtalýymen baılanysty.
Buǵan deıin AQSh Ýkraınaǵa barlaý boıynsha qandaı kómek kórsetkenin jazǵan edik.
