Tramp AQSh-tyń Ortalyq Azııa elderimen tamasha qarym-qatynasy bastalǵanyn málimdedi

ASTANA. KAZINFORM – AQSh prezıdenti Donald Tramp Vashıngtonda ótken C5+1 sammıtiniń nátıjesine qatysty túsinik berdi, dep habarlaıdy Kazinform.

- Keshe Aq úıde bes keremet eldiń prezıdentteri: Qazaqstan prezıdenti Qasym-Jomart Toqaevtyń, Ózbekstan prezıdenti Shavkat Mırzıeevtiń, Tájikstan prezıdenti Emomalı Rahmonnyń, Qyrǵyzstan prezıdenti Sadyr Japarovtyń jáne Túrikmenstan prezıdenti Serdar Berdimuhamedovtyń qatysýymen sammıt ótkizý men úshin úlken qurmet boldy, - dep atap ótti Tramp Truth Social áleýmettik jelisinde.

AQSh prezıdenti óziniń aldyndaǵy prezıdentter otyz jyl boıy Ortalyq Azııa elderine laıyqty kóńil bóle almaǵanyn, bul Eýropa, Azııa jáne Taıaý Shyǵystyń qıylysynda ornalasqan jáne mańyzdy mıneraldarǵa, kómirsýtekterge jáne adamı talanttarǵa baı strategııalyq aımaq ekenin atap ótti. Tramp «tolyqtaı qatysý» nıetin atap ótti.

- C5+1 platformasynyń 10 jyldyǵyn atap ótý úshin biz avıatsııa, mańyzdy mıneraldar, aýyl sharýashylyǵy, temirjol, avtomobıl qurylysy jáne tehnologııa salalarynda ondaǵan myń amerıkalyq jumys oryndaryn qoldaıtyn mıllıardtaǵan dollarlyq kommertsııalyq kelisimder jasastyq. Bizdiń sammıtimiz Qurama Shtattar men Qazaqstan, Ózbekstan, Tájikstan, Qyrǵyz Respýblıkasy jáne Túrikmenstan arasyndaǵy keremet jańa qarym-qatynastyń bastamasy boldy! - dep jazdy Donald Tramp.

Buǵan deıin C5+1 elderi ekonomıkalyq yntymaqtastyq týraly týraly málimdemege qol qoıǵanyn jazǵan bolatynbyz.