Tramp AQSh-tyń Federaldyq rezerv júıesiniń basshysyn mólsherlemeni tómendetýge shaqyrdy

ASTANA. KAZINFORM – AQSh prezıdenti Donald Tramp eldiń ishki jalpy óniminiń eki toqsan qatarynan ósýine baılanysty Federaldyq rezerv júıesiniń tóraǵasyn paıyzdyq mólsherlemeni tómendetýge shaqyrdy.

Трамп Иранның ядролық нысандарын тағы да «жойып жіберемін» деп сес көрсетті
Фото: x.com / @WhiteHouse

— Ekinshi toqsannyń ІJÓ jańa ǵana jarııalandy: 3 paıyz — kútkennen joǵary. «Keshikken» mólsherlemeni tómendetýi kerek. Inflıatsııa joq! — dep jazdy Tramp Truth Social jelisinde.

Ol «Keshikken» dep FRJ tóraǵasy Djerom Paýelldi atady. Sebebi Paýell buǵan deıin mólsherlemeni túsirýden bas tartyp, Tramptyń birneshe márte synyna ushyraǵan bolatyn. Óz kezeginde Paýell mundaı sheshimderdi AQSh prezıdentiniń ımporttyq tarıfterge qatysty kútpegen qadamdarymen túsindirgen edi.

AQSh Saýda mınıstrliginiń málimetinshe, 2025 jyldyń ekinshi toqsanynda eldiń ishki jalpy ónimi jyldyq eseppen 3 paıyzǵa artqan.

Buǵan deıin Tramp eger odaqtas elder kópten kútken saýda kelisimine qol jetkize almasa, Úndistannan keletin ımportqa 25 paıyzdyq tarıf engizetinin málimdegen bolatyn.

Сейчас читают