Tramp AQSh-ta JI ataýy «sýperıntellekt» dep ózgertilgenin jarııa etti
ASTANA. KAZINFORM — AQSh prezıdenti Donald Tramp budan bylaı jasandy ıntellekt AQSh qujattarynda «sýperıntellekt» dep atalatynyn málimdedi. Ol bul málimdemeni Nıý-Iorkte ótip jatqan BUU Bas Assambleıasynda aıtty, dep habarlaıdy Kazinform AR agenttigine silteme jasaı otyryp.
Tramptyń aıtýynsha, «jasandy» sózin qoldaný ol naqty ıntellekt emes sekildi áser qaldyrady jáne tehnologııa týraly burys kózqaras týdyrady. Sondyqtan Amerıka prezıdenti AQSh-ta jasandy ıntellekt «sýperıntellekt» dep atalatynyn jarııalap, basqa elderdi de soǵan elikteýge shaqyrdy.
— Endi barlyq AQSh qujattarynda jáne búkil álemdegi qujattarda da «jasandy» sózi áldeqaıda dál «sýper» termınimen aýystyrylady dep úmittenemin. Basqasha aıtqanda, sýperıntellekttiń jańa álemine — SI álemine qosh keldińizder. Bul sóz ómirsheń bola ma, kóre jatarmyz. Qulaqqa jaǵymdy estiledi. Bul áldeqaıda jaqsy jáne áldeqaıda dál ataý, — dedi Aq úı basshysy.
Tramp sonymen qatar AQSh sýperıntellekttiń damýyn shektegisi kelmeıtinin, kerisinshe oǵan qoldaý kórsetetinin málimdedi.
Ol sondaı-aq Qurama Shtattar JI-diń damýyn jiti qadaǵalaıtynyn, qajet bolǵan jaǵdaıda «Ádilet mınıstrligi men AQSh-tyń basqa da quqyq qorǵaý organdary baqylaýǵa alýǵa daıyn» ekenin atap ótti.
Donald Tramp osy aptada Qytaı tóraǵasy Sı Tszınpınmen kópten kútken kezdesý aldynda osyndaı málimdeme jasap otyr. Osy kezdesýde taraptar jasandy ıntellekt máseleleri talqylanady dep kútilip otyr.
AQSh prezıdenti Sı Tszınpınniń qurmetine memlekettik keshki as uıymdastyrýdy josparlap otyr, oǵan Nvidia, OpenAI jáne Apple sııaqty tehnologııalyq kompanııalardyń basshylary qatyspaq.
Eske sala keteıik, Tramp buǵan deıin 2019 jyly qurǵan Ǵarysh kúshterine uqsas jasandy ıntellekt kúshterin quratynyn jarııalaǵan.
