Tramp AQSh-ta týý arqyly azamattyq alý quqyǵyn joıǵysy keletinin málimdedi
ASTANA. KAZINFORM — AQSh prezıdenti Donald Tramp elde týý arqyly azamattyq berý tájirıbesinen bas tartý nıetin málimdedi, dep habarlaıdy Report.
— Meniń oıymsha, týý arqyly azamattyq beriletin álemdegi jalǵyz el — biz. Biz bul tájirıbeni toqtatamyz, — dedi Tramp.
Buǵan deıin Tramp týý arqyly azamattyq alý qaǵıdatyn shekteýge baǵyttalǵan birneshe jarlyqqa qol qoıǵan bolatyn. Prezıdent ákimshiliginiń ókili Stıven Mıllerdiń aıtýynsha, olardyń biri «bosaný týrızmi» dep atalatyn tájirıbege tyıym salýǵa qatysty.
Aıta keteıik, AQSh jańa vızalyq kepil baǵdarlamasyn engizip jatyr, oǵan sáıkes ımmıgratsııalyq vızaǵa keıbir ótinish berýshiler 100 myńnan 250 myń dollarǵa deıingi kólemde depozıt salýy tıis.
