Tramp: AQSh Sırııanyń tabysqa jetýi úshin qoldan kelgenniń bárin jasaıdy

ASTANA. KAZINFORM — AQSh Sırııanyń tabysqa jetýi úshin bar kúshin salady. Bul týraly AQSh prezıdenti Donald Tramp málimdedi, dep habarlaıdy TASS.

— Biz Sırııanyń tabysqa jetýi úshin qoldan kelgenniń bárin jasaımyz, óıtkeni ol Taıaý Shyǵystyń bir bóligi. Bizde endi Taıaý Shyǵysta beıbitshilik ornaıdy, — dedi Donald Tramp Aq úıde jýrnalıster suraǵyna jaýap bere otyryp.

AQSh prezıdenti sırııalyq ýaqytsha prezıdent Ahmed ash-Sharaamen jaqsy baılanys ornatýǵa qol jetkizgenine de toqtaldy.

— Ol óte myqty kóshbasshy. <…> Ol qatal adam. Maǵan ol unaıdy, men Sırııanyń jańa prezıdentimen til tabysa alamyn, — dep atap ótti AQSh prezıdenti.

Tramptyń pikirinshe, ash-Sharaanyń óz elin alǵa jetelep, tabysqa jetkizýge shamasy keledi.

— Biz Sırııanyń tabysty bolýyn qalaımyz jáne meniń oıymsha bul kóshbasshy munymen kúrese alady <…>. Kópshilik onyń ótken ómiriniń aıaýsyz aýyrtpalyqqa toly bolǵanyn aıtady. Bizdiń bárimizdiń kezinde kórgen kúnimiz ońaı bolǵan joq, — dep qosty Tramp.

Aıta keteıik, buǵan deıin AQSh prezıdenti Donald Tramp Aq úıde Sırııanyń ýaqytsha prezıdenti Ahmed ash-Sharaamen kezdeskenin jazdyq.