Tramp AQSh prezıdenti qyzmetine kiristi
ASTANA. QazAqparat - Donald Tramp AQSh prezıdenti qyzmetine kiristi. Ol AQSh Joǵarǵy sotynyń tóraǵasy Djon Robertske ant berdi.
Jasy jetpistegi bıznesmen Tramp burynǵy memleket basshysy, eki merzimge saılanǵan Barak Obamanyń ornyna kelip, AQSh-tyń 45-shi prezıdenti atandy, dep habarlaıdy reseılik «RIA Novostı» agenttigi.
«Men, Donald Tramp, Qurama shtattardyń prezıdenti qyzmetin adal atqarýǵa jáne Qurama shtattardyń Konstıtýtsııasyn qoldaýǵa, saqtaýǵa jáne qorǵaýǵa bar kúshimdi jumsaýǵa saltanatty túrde ant etemin», - dedi oń qolyn kóterip jáne sol qolyn Іnjilge qoıǵan Tramp.
Budan keıin AQSh Joǵarǵy sotynyń tóraǵasy Djon Roberts Trampty qyzmetke kiriskenimen quttyqtady, ol otbasyna burylyp jaqyndaryn qushaqtady.
Ulyqtaý rásimi barysynda sóılegen sózinde Tramp AQSh-tyń jáne áleminiń damý baǵytyn uzaq jyldarǵa aldyn ala anyqtaýǵa ýáde berdi jáne bılikti Vaşıngtonnan halyqqa beretinin málim etti.
