Tramp AQSh prezıdenti retinde úshinshi márte saılanýǵa quqyly ekenin málimdedi

ASTANA. KAZINFORM — Donald Tramp AQSh Konstıtýtsııasyna qaramastan, úshinshi merzimge prezıdent bolýǵa quqyǵy bar ekenin málimdedi, dep habarlaıdy TASS.

— Múmkin biz taǵy bir merzimge qalatyn shyǵarmyz. Kelesi merzimge qalǵanymyz durys pa? Bizdiń buǵan quqyǵymyz bar, óıtkeni olar ekinshi merzimde alaıaqtyq jasady, — dedi ol Korpýs Krıstıdegi birneshe myń jaqtastarynyń aldynda.

Shamasy, amerıkandyq kóshbasshy ózi is júzinde moıyndamaǵan jáne demokrat Djo Baıden resmı túrde jeńimpaz dep jarııalanǵan 2020 jylǵy saılaý nátıjelerin meǵzegen bolýy kerek.

— Bizdiń de muny isteýge quqyǵymyz bar edi (úshinshi merzim — TASS jazbasy), — dedi Tramp.

Sonymen birge ol AQSh-tyń Demokratııalyq partııasynyń qazirgi kóptegen kórnekti qaıratkerlerin jyndy dep atap, pikirlesterdi qarasha aıynda ótetin aralyq saılaýda jeńiske jetý úshin bar kúsh-jigerin salýǵa shaqyrdy. Senattyń úshten bir bóligi jáne búkil Ókilder palatasy qaıta saılanýy tıis.

— Olar aqylsyz. Biz aralyq saılaýda jeńiske jetýimiz kerek, — dedi prezıdent demokrattar týraly.

1951 jyly qabyldanǵan AQSh Konstıtýtsııasyna engizilgen 22-shi túzetý prezıdentti eki merzimge bılik etýden shekteıdi. Degenmen, Tramp úshinshi merzimge úmitker bolý múmkindigin birneshe ret kóterdi. Sonymen qatar, Tramptyń burynǵy negizgi saıası strategi Stıv Bennon mundaı múmkindik týraly 2025 jyldyń kúzinde aıtqan bolatyn.

Buǵan deıin Tramp federaldy mekemelerge Anthropic tehnologııasyn qoldanýyna tyıym salǵany týraly jazdyq.