AQSh pen Izraıldiń Iranǵa qarsy operatsııasy qandaı jaǵdaıda aıaqtalýy múmkin
ASTANA. KAZINFORM — Amerıka prezıdenti Donald Tramp AQSh pen Izraıldiń Iranǵa qarsy áskerı operatsııasy alǵa qoıǵan maqsattarǵa jetkenshe jalǵasady dep málimdedi. Bul týraly Report agenttigi jazdy.
— Biz jumys aıaqtalmaıynsha ketpeımiz. Bul óte jyldam bolady, — dedi Donald Tramp.
Ol sońǵy 11 kúnde AQSh kúshteri «Irandy is júzinde joıdy» dep málimdedi. Sondaı-aq Iranda endi radarlar men áýe qorǵanysy joq ekenin aıtty.
Tramp Tegeran ushyrǵan zymyran men drondardyń sany qaqtyǵystyń alǵashqy kúnderimen salystyrǵanda 85-90%-ǵa qysqarǵanyn, odan bólek, Iran áskerı-teńiz kúshteriniń 58 kemesi joıylǵanyn málimdedi.
Aıta keteıik, Donald Tramp Iranǵa qarsy soqqylardyń qarqynyn kúsheıtetinin eskertti. Ol «AQSh burynǵydan 20 ese qatty soqqy beredi» dep qorqytty.
