Tramp AQSh pen Irannyń eki apta ishinde kelisimge kelýi múmkin ekenin aıtty

— Qazir biz kelissózder júrgizip jatyrmyz. Olar (Iran — red.) óte jaqsy mámile jasaǵysy keledi jáne bizge qajetti nárseniń bárine kelisýge daıyn. Olar ıadrolyq qarýdan bas tartýǵa ázir, — dedi amerıkalyq kóshbasshy.

Tramptyń aıtýynsha, AQSh kelissózderde basymdyqqa ıe bolyp otyr, biraq túpkilikti nátıjege aldaǵy eki apta ishinde qol jetkizý qajet.

— Bul tolyq jeńis bolady jáne ol óte jaqyn ýaqytta júzege asady. Sol kezde munaı baǵasy da birden tómendeıdi, — dedi ol.

Buǵan deıin Tramp birneshe ret AQSh pen Iran arasyndaǵy qaqtyǵysty retteý jónindegi kelisimge qol jetkizýge taraptardyń jaqyn qalǵanyn málimdegen bolatyn.

Aıta keteıik, Tramptyń Iranǵa qatysty saıasaty respýblıkashyldar arasynda synǵa ushyraı bastady.