Tramp: AQSh Ormýz buǵazyn óz aýmaǵy dep jarııalaýy múmkin
ASTANA.KAZINFORM — AQSh prezıdenti Donald Tramp jaqyn arada Ormýz buǵazyn Amerıka Qurama Shtattarynyń aýmaǵy dep jarııalaý nıeti bar ekenin málimdedi.
Report málimetinshe, Ormýz buǵazy týraly bul málimdemeni amerıkalyq kóshbasshy Nıý-Iork shtatyndaǵy sózinde aıtqan.
— Qazir Iran aýyr jeńiliske ushyrap jatyr. Irandy túpkilikti jeńgen kezde kóp uzamaı Ormýz buǵazyn AQSh aýmaǵy dep jarııalaımyn, — dedi Tramp.
Aıta keteıik, Islamabad Ormýz buǵazy tóńireginde jalǵasyp jatqan kelispeýshilikterge baılanysty AQSh pen Iran arasyndaǵy qaqtyǵysty sheshý úshin kúsh salyp jatyr.
Buǵan deıin Pentagon 2025 jylǵy AQSh-tyń áskerı operatsııalary kezinde 150-den astam beıbit turǵyn qaza taýyp, 240-tan astam adam jaralanǵanyn resmı túrde moıyndady.
Eske salaıyq, buǵan deıin Tramptyń Túrkııadaǵy NATO sammıtinen keıin ushaǵyn aýystyrǵany týraly jazdyq.
