Astanadaǵy Maral kópirinde qozǵalys eki kúnge shekteledi
ASTANA. KAZINFORM — Qalalyq Kólik jáne jol-kólik ınfraqurylymyn damytý basqarmasy Maral kópiri (M2) boıyndaǵy deformatsııalyq tigisterdi qalpyna keltirý jumystary júrgiziletinin habarlady.
- Osyǵan baılanysty 6 qyrkúıek saǵat 15:00-den 8 qyrkúıekke deıin avtokólik qozǵalysy ishinara shekteledi. Qozǵalys taraptardyń birinde eki baǵytta da uıymdastyrylady.
Júrgizýshiler men jaıaý júrginshilerge marshrýttaryn aldyn ala josparlap, qozǵalysty uıymdastyrýdaǵy ózgeristerdi eskerýge keńes beriledi, - delingen aqparatta.
Qaýipsizdikti qamtamasyz etý úshin ýaqytsha jol belgileri men kórsetkishter qoıylady.
Basqarma turǵyndardan atalǵan shekteýlerge túsinistikpen qarap, qaladaǵy qozǵalystaryn aldyn ala josparlaýdy suraıdy.
Aıta keteıik, Almatydaǵy keıbir kóshelerde qozǵalys ýaqytsha shekteletini habarlandy.