Tramp: AQSh Qytaı taýarlaryna 1 qarashadan bastap 100% baj salyǵyn engizedi

ASTANA. KAZINFORM — AQSh prezıdenti Donald Tramp Qytaıdan keletin taýarlarǵa kedendik baj salyǵyn eki ese arttyrýdy jáne eksporttyq shekteýler engizýdi josparlap otyrǵanyn málimdedi, dep habarlaıdy TASS.

Tıisti málimdemeni Tramp Truth Social áleýmettik jelisinde jarııalaǵan.

Onyń aıtýynsha, Qytaı 1 qarashadan bastap derlik barlyq óndiriletin ónimge eksporttyq baqylaý sharalaryn engizetinin jarııalap, «óte agressıvti ustanym» tanytty. Ol bul áreketti «kóp jyl buryn ázirlengen jospardyń bir bóligi» dep atady.

Tramptyń málimdeýinshe, buǵan jaýap retinde AQSh 1 qarashadan bastap nemese Pekınniń áreketterine baılanysty odan da erterek Qytaı taýarlaryna qoldanylyp otyrǵan baj salyǵyn 100%-ǵa deıin kóteredi, sondaı-aq barlyq mańyzdy baǵdarlamalyq qamtamasyz etýge eksporttyq shekteýler engizedi.

Buǵan deıin AQSh-tyń Federaldy apellıatsııalyq soty Tramptyń engizgen kóptegen baj salyqtary zańsyz dep sheshim shyǵaryp, keıinnen ákimshilik bul tarıfterdi saqtaý úshin Joǵarǵy sotqa júgingen bolatyn.