Tramp AQSh qaırańynan munaı jáne gaz óndirýdi keńeıtý týraly jarlyqqa qol qoıady

ASTANA. QazAqparat -Donald Tramp AQSh qurlyqtyq qaırańynda munaı jáne gaz óndirý aýqymyn keńeıtýge baǵyttalǵan jarlyqqa qol qoıady.

AQSh ishki ister mınıstri Raıan Zınke prezıdent Donald Tramptyń AQSh qurlyqtyq qaırańynda munaı jáne gaz óndirý aýqymyn keńeıtýge baǵyttalǵan jarlyqqa qol qoıatynyn málimdedi.

Zınkeniń aıtýynsha, qazir syrtqy qurlyqtyq qaırańnyń 94 paıyzǵa jýyǵyn burǵylaýǵa múmkindik joq. Naýryz aıynda munaı men gaz óndirýge 16 mıllıon akr ǵana jalǵa berilgen. Ázirge jalǵa alynǵan aýmaqtyń 97 paıyzy Meksıka shyǵanaǵynda.

Qaırańda 90 mıllıard barrel zerttelmegen munaı jáne 9,3 trıllıon tekshe metr zerttelmegen tabıǵı gaz qory bar.

Mınıstr Tramp ákimshiliginiń energııa resýrstaryn eksportqa shyǵarýǵa, sonyń ishinde Shyǵys Eýropaǵa gaz tasymaldaýǵa nıetti ekenin basa aıtty.