Tramp: AQSh Eýropadaǵy ásker sanyn qysqartpaıdy

ASTANA. KAZINFORM – AQSh Eýropadaǵy ásker sanyn qysqartpaıdy, tek olardyń ornalasýyn tártibin ózgertpek. Bul týraly fınlıandııalyq áriptesi Aleksandr Stýbbpen kezdesýiniń aldynda jýrnalıstarge suhbat bergen AQSh prezıdenti Donald Tramp málim etti, dep jazady reseılik TASS.

- Joq árıne, biraq biz olardyń ornalasý júıesin ózgertýimiz múmkin, - dedi Tramp Eýropada AQSh áskeriniń qysqartylýyna qatysty saýalǵa jaýap bere otyryp.

-Eýropada bizdiń áskerimizdiń óte kóp ekenin bilesizder, sol sebepti biz olardyń ornalasqan jerin ózgertýimiz múmkin,-dep qosty ol.

Óz kezeginde osy kezdesýge qatysyp otyrǵan AQSh-tyń áskerı mınıstri Pıt Hegset Eýropa elderiniń ásker shyǵynyn 2035 jyly ishki jalpy ónimniń 5 paıyzyna deıin jetkizý talaby AQSh Eýropany NATO-da qaldyryp bara jatyr degendi bildirmeıtinin jetkizdi.

-Alaıda biz áskerimizdiń qaıda ornalasqanyn qarap, AQSh pen bizdiń NATO-daǵy odaqtastarymyz úshin olardyń qalaı turǵany tıimdi ekenin saralaýymyzǵa bolady,-dedi ol.

2025 jyldyń maýsymynda Gaagada ótken NATO sammıtinde Eýropa elderiniń áskerı shyǵyndaryn 2035 jyly ishki jalpy ónimniń 5 paıyzyna deıin jetkizý týraly sheshim qabyldanǵan. Bul rette qarjynyń 3,5 paıyzy tikeleı qorǵanys salasyna jumsalatyn bolsa, qalǵan 1,5 paıyzy áskerı áreket kezinde qoldanylatyn ınfraqurylym nysandaryn salýǵa shyǵyndalmaq.

Osyǵan deıin AQSh-tyń esirtki kartelderine soǵys jarııalaǵany týraly jazdyq.