Tramp AQSh Bas shtabynyń basshysyn qyzmetinen bosatty

ASTANA. KAZINFORM – Tramp AQSh Qarýly kúshteriniń shtab bastyqtary birikken komıtetiniń tóraǵasyn qyzmetinen bosatty, dep habarlaıdy Sınhýa aqparat agenttigi. 

AQSh prezıdenti Donald Tramp juma kúni AQSh Qarýly kúshteriniń shtab bastyqtary birikken komıtetiniń tóraǵasy, áskerı-áýe kúshteriniń generaly Charlz Braýndy jumystan bosatyp, bul qyzmetke Áskerı-áýe kúshteri general-leıtenanty Den Keındi usynatynyn málimdedi.

Buǵan deıin AQSh Senaty Govard Lıýtnıkti Saýda mınıstri etip bekitti. «Cantor Fitzgerald» qarjylyq qyzmet kórsetý kompanııasynyń burynǵy bas dırektory Lıýtnık Tramp kabınetiniń 17-shi rastalǵan múshesi boldy. Ol Saýda mınıstrligi Sanaq bıýrosyn, Ulttyq meteorologııalyq qyzmetin, Patent jáne taýar belileri keńsesin, Ulttyq muhıttyq jáne atmosferalyq basqarmany, Ekonomıkalyq taldaý bıýrosyn jáne Ulttyq azshylyq bıznesin damytý agenttigin basqarady.