Tramp AQSh áskerine ıemendik kóterilisshi hýsıtterge qarsy áreketti bastaýdy tapsyrdy

ASTANA. KAZINFORM – AQSh prezıdenti Donald Tramp amerıkalyq Qarýly Kúshterge ıemendik kóterilisshi hýsıetterge qarsy qýatty soqqy berýdi tapsyrdy, dep habarlaıdy VVS.

- Men búgin AQSh Qarýly Kúshterine ıemendik terrorıst hýsıtterge senimdi de qýatty áreket etýge buıryq berdim, - dep jazdy Tramp Truth Social áleýmettik jelisinde.

AQSh prezıdenti bul sheshimin hýsıtterdiń amerıkalyq jáne ózge de kemelerdi, ushaqtar men ushqyshsyz ushatyn apparattardy atqylaýdy toqtatpaı jatqanymen túsindirdi.

- Trrorıst hýsıtterge aıtarym, ýaqyttaryń keldi, shabýyldardy búginnen bastap toqtatýlaryń kerek. Olaı bolmaǵan jaǵdaıda senderdi ózderiń buryn-sońdy kórmegen tozaq kútip tur, - dep jazdy AQSh prezıdenti.

- Bizdiń erjúrek áskerlerimiz amerıkalyq teńiz, áskerı-teńiz aktıvterin qorǵap, kemelerdiń erkin qozǵalysyn qamtamasyz etý úshin tap qazir terrorıster, olardyń kóshbasshylary men zymyranǵa qarsy júıelerine áýeden soqqy berip jatyr, - dedi.

Ol sonymen qatar Irandy hýsıtterge qoldaý kórsetýdi toqtatýǵa shaqyrdy.

- AQSh pen onyń halqyna, qoqan-loqy jasaýdy toqtatyńdar. Eger sizder bul áreketti toqtatpasańyzdar, ol úshin jaýap beretin bolasyzdar, -dep eskertti Tramp.

Osyǵan deıin hýsıtterdiń Qyzyl teńizde AQSh tankeri Madoǵa shabýyl jasaǵany týraly jazdyq.

Sondaı-aq BUU óz qyzmetkerleriniń hýsıtter qolyna túsýine baılanysty Iemendegi keıbir operatsııalaryn toqtatqany týraly jazdyq.