Tramp ákimshiligi Garvardty sheteldik stýdentterdi oqytý quqyǵynan aıyrdy

ASTANA. KAZINFORM – AQSh-tyń ishki qaýipsizdik mınıstrligi Garvardty sheteldik stýdentterdi oqytý quqyǵynan aıyrdy. Tıisti buıryqqa vedomstvo basshysy Krıstı Noem qol qoıdy, dep habarlaıdy VVS.

Ýnıversıtet endi stýdenttik vıza alýǵa qajetti qujattardy bere almaıdy. Qazirdiń ózinde oqyp jatqan sheteldikter basqa ýnıversıtetterge aýysýǵa májbúr bolady, áıtpese olar deportatsııaǵa ushyraıdy. 

- Ákimshilik Garvardty zorlyq-zombylyq, antısemıtızm jáne Qytaı Kommýnıstik partııasymen baılanystardy qozdyrǵany úshin jaýapty dep sanaıdy, - dedi Krıstı Noem.

Ol sondaı-aq «ýnıversıtetter úshin sheteldik stýdentterdi qabyldaý quqyq emes, artyqshylyq» ekenin atap ótti. 

Garvard bul sheshimdi zańsyz dep atap, halyqaralyq stýdentter ýnıversıtet pen eldi baıytady dep málimdedi. Qazirgi ýaqytta ýnıversıtette 7 myńǵa jýyq shetel azamaty bilim alyr jatyr – bul stýdentterdiń jalpy sanynyń tórtten birinen astamy.

Buǵan deıin AQSh Garvardqa bólinetin 2,2 mıllıard dollar memlekettik qarjylandyrýdy toqtatatynyn jazǵan bolatynbyz. 

Sodan keıin Tramp ákimshiligi Garvardtan sheteldik stýdentterdi qabyldaý quqyǵyn alyp qoımaq boldy. 

Al Garvard ýnıversıteti Tramp ákimshiligin sotqa berdi.