Tramp ákimshiligi 175 000 AQSh vızasynyń kúshin joıdy
VAShINGTON. KAZINFORM — Tramp ákimshiligi 18 aıdyń ishinde 175 000 vızanyń kúshin joıdy. Bul Djo Baıden Prezıdent bolǵan ýaqyttaǵy kórsetkishten 4 ese kóp.
AQSh Memlekettik departamentiniń málimdeýinshe, azamattar kóp jaǵdaıda vızasynan zań buzǵany úshin aıyrylyp jatyr. Ondaı qylmystar qataryna mas kúıde kólik aıdaý, urlyq, esirtki, jynystyq zorlyq, balalardy uryp-soǵý men alaıaqtyq jatady.
— Prezıdent Tramp pen memlekettik hatshy Rýbıonyń tóraǵalyǵymen bul úrdis áli de jalǵasady. Sheteldik azamattardyń qujattary qatań baqylaýda. AQSh vızasyn alý — barshaǵa qoljetimdi quqyq emes, bárine berile bermeıtin artyqshylyq. Memleket vızany teris maqsatta paıdalanyp júrgenderdi áshkereleý úshin qarqyndy túrde jumys júrgizip jatyr, — dep málimdedi syrtqy saıası vedomstvo.
AQSh-tyń Soltústik Afrıkadaǵy elshiligi 100-den asa vızanyń kúshin joıdy. Bul vızalar «týrıst ata-analarǵa» tıesili bolǵan. Olar AQSh-qa bala týyp, azamattyq alý úshin kelgen.
Newsweek málimetine sáıkes, 2024 jyly Baıden ákimshiligi 40 myńnan asa vızanyń jaramdylyǵyn toqtatqan. Bul Tramp kezindegi kórsetkishpen salystyrǵanda áldeqaıda az. Tramp prezıdenttiginiń alǵashqy jylynda 100 myń vıza joıylsa, bıyl taǵy 75 myń vıza jaramsyz dep tanyldy.
2017-2020 qarjylyq jyldar aralyǵynda AQSh ımmıgratsııa jáne natýralızatsııa Qyzmeti (USCIS) 935 346 deportatsııa oqıǵasyn tirkedi.
Baıden bıligi ýaqytyndaǵy 2021-2024 qarjylyq jyldary 545 252 deportatsııa faktisi anyqtalǵan.
2025 qarjylyq jyldyń ICE derekteri áli jarııalanǵan joq. Biraq 2025 jyldyń jeltoqsanynda AQSh Іshki qaýipsizdik mınıstrligi 605 myń adam deportatsııalanǵanyn habarlady.
Budan buryn habarlanǵandaı, AQSh-tan taǵy 18 ózbekstandyq deportatsııalandy.
Aıym Erkinbekqyzy
