Tramp Aq úıge oralǵan soń alǵash ret jappaı narazylyq sharalary ótti
ASTANA. KAZINFORM – Amerıka qalalarynda Donald Tramptyń saıasatyna qarsy lıberaldy narazylyq bildirýshiler manıfestatsııaǵa shyqty. Bul Tramptyń prezıdent laýazymyna kiriskeli alǵash ret bolyp turǵan narazylyq aktsııasy, dep habarlaıdy VVS.
Hands Off («tart qolyńdy») naýqanyn uıymdastyrýshylar 50 shtat boıynsha 1200 jerde aktsııa uıymdastyrýdy josparlaǵan. Senbi kúni adamdar tobyn Boston, Nıý-Iork, Chıkago, Los-Andjeles jáne Vashıngton sııaqty qalalardan kórýge bolatyn edi.
AQSh-tyń iri qalalary turǵyndarynyń arasynda Trampqa qarsylar kóp.
Degenmen, jarııa túrdegi narazylyq sharalary keıingi aılarda kóp bolǵan joq. BAQ-qa pikir bildirgender bunyń birneshe sebebin atap otyr. Amerıka qoǵamynyń lıberaldyq bóligi mádenı soǵystan sharshaǵan, kúızeliske ushyraǵan, olar óz áreketterine jaýap retinde Tramp kúsh qoldana ma dep úreılenedi.
Tramp ımportqa joǵary kedendik tarıfterdi engizýi týraly jarııalaǵan soń demonstratsııalar kóptegen elderde ótti. Naqtyraq aıtqanda, Londonda, Parıjde jáne Berlınde.
Vashıngtondaǵy mıtıngte Demokratııalyq partııa atynan saılanǵan zań shyǵarýshylar sóz sóıledi. Olar ásirese Trampqa Ilon Mask sııaqty baı donorlardyń yqpaly týraly aıtty. Florıdalyq kongressmen Maksvell Frost qalyptasqan jaǵdaıdy úkimetti mıllıarderler bılep otyr dep baǵalady.
Osyǵan deıin Tramptyń memleketterge barlyq salalardy qamtıtyn baj salyǵyn engizetinin habarladyq.
Today, across the country and around the world, tens of thousands of people turned out for what organizers say has been the single biggest day of protests against President Trump and his second-term policies and actions.
— PBS News (@NewsHour) April 5, 2025
In the U.S., more than a thousand rallies were planned in… pic.twitter.com/KgANR5t2Vd