Tramp Aq úıden Obama men Býshtardyń portretterin kózden tasa jerge aýystyrdy

ASTANA. KAZINFORM –  AQSh prezıdenti Donald Tramp burynǵy prezıdent Barak Obamanyń portretin basqa jerge aýystyrýǵa buıryq berdi, dep habarlaıdy CNN.

Habarlamaǵa sáıkes, kishi Djordj Býsh pen onyń ákesi Djordj Býshtiń portretteri de oryn aýystyrǵan. CNN dereginshe, Tramp Obamanyń portretin Aq úıdiń baspaldaqtarynyń joǵarǵy alańyna kóshirýdi tapsyrǵan. Endi ol kún saıyn Aq úıge keletin myńdaǵan kelýshiniń kózinen tasa jerde tur. Eki Býshtyń da portreti osy baspaldaq aımaǵynda ornalasqan.

Kóptegen derekkóz prezıdenttiń Aq úıdiń estetıkasyna qatysty is júzinde barlyq máselege tikeleı aralasatynyn aıtady.

CNN atap ótkendeı, bul Obamanyń portretiniń orny aýysqan alǵashqy jaǵdaı emes. Sáýir aıynda ol Aq úıdiń kireberis vestıbıýliniń (Grand Foyer) qarama-qarsy jaǵyna aýystyrylǵan. Onyń ornyna Pensılvanııa shtatynyń Batler qalasynda ótken saılaýaldy mıtıng kezinde Trampqa jasalǵan qastandyq áreketin beıneleıtin kartına ilingen.

Eske sala keteıik, Donald Tramp AQSh-tyń burynǵy prezıdenti Barak Obamany 2016 jylǵy prezıdenttik saılaýda alaıaqtyq jasady dep aıyptaǵan edi.