Tramp: Aq úıde teńdesi joq jańa Saltanat zaly salynady

ASTANA. KAZINFORM — AQSh prezıdenti Donald Tramp Aq úı aýmaǵynda jańa Saltanat zalynyń qurylysy bastalatynyn málimdedi. Bul týraly ol Truth Social áleýmettik jelisindegi paraqshasynda jazdy.

Prezıdenttiń aıtýynsha, Ulttyq astanany josparlaý jónindegi komıssııa jobany basym daýyspen qoldaǵan. Daýys berý qorytyndysy boıynsha komııssııanyń 8 múshesi jobany maquldap, bireýi qarsy daýys bergen. Tramp senator Rend Poldyń da jobany qoldap daýys bergenin erekshe atap ótti.

Memleket basshysy bul bastamany Aq úı tarıhyndaǵy kópten kútken jobalardyń biri dep baǵalady.

– 150 jyldan astam ýaqyt boıy AQSh prezıdentteri resmı qabyldaýlar, memlekettik saparlar jáne qazirgi kezeńdegi ulyqtaý rásimderin ótkizýge arnalǵan keń saltanat zaly bolǵanyn armandap keldi. Bul kópten kútken jobany iske qosqan alǵashqy prezıdent bolý – men úshin úlken mártebe, – dep jazdy AQSh prezıdenti.

Tramp qurylys jumystary belgilengen merzimde jáne josparlanǵan bıýdjet sheńberinde júrgizilip jatqanyn málimdedi. Sondaı-aq jańa nysan tolyq aıaqtalǵan soń álemdegi eń úlken ári eń kórkem saltanat zaldarynyń birine aınalyp, Aq úıdiń tarıhı kelbetin tolyqtyra túsetinin aıtty.

Aıta keteıik, Vashıngtonda Aq úı qonaqtary úshin jerasty qaýipsizdik beketi salynatynyn jazdyq.