Tramp Aq úıde senim isteri basqarmasyn ashty
ASTANA. KAZINFORM – Basqarmanyń maqsaty – dinı, qoǵamdyq uıymdar jáne ǵıbadat úıleriniń amerıkalyq otbasylardy nyǵaıtý jáne dinı senim bostandyǵyn qorǵaý isine kómektesý, dep habarlaıdy Kazinform agenttigi whitehouse.gov saıtyna silteme jasap.
Senim isteri basqarmasyn qurý týraly AQSh prezıdenti 7 aqpanda málimdedi.
X áleýmettik jelisindegi resmı paraqshasynda Aq úı keńsesinde túsken sýret paıda boldy. Onda AQSh prezıdentin qyzmetkerler qorshap turǵanyn kórýge bolady. Bul sýret BAQ-ta túrli reaktsııa týdyrdy.
“As the Bible says, ‘Blessed are the peacemakers.’ And in that end, I hope my greatest legacy when it's all finished, will be known as a peacemaker and a unifier.” —President Donald J. Trump pic.twitter.com/ArXe38r1EY
— The White House (@WhiteHouse) February 8, 2025
– Taıaý Shyǵystaǵy qaqtyǵys, voýk ıdeologııasymen kúres (afro-amerıkalyq aǵylshyn tilinen shyqqan amerıkalyq saıası termın jáne áleýmettik, násildik jáne jynystyq ádilettilikke qatysty máselelerge kóbirek kóńil bólýdi bildiredi – red.)... Donald Tramp qudaıdyń kómegin paıdalana alatyny sózsiz, dep ázildeıdi BILD redaktory Krıstofer Bıýl.
Fotonyń astynda Tramptyń sózi jarııalandy:
- Kıeli kitapta aıtylǵandaı, «Tatýlyq ornatýshylar baqytty». Osynyń bári aıaqtalǵannan keıin meniń eń úlken muram – beıbitshilikti saqtaýshy jáne biriktirýshi retinde esimde qalýym dep úmittenemin.
Keńsede aq kıingen jalǵyz adam - áıgili ýaǵyzshy Pola Ýaıt. Ol kópten beri Tramptyń rýhanı keńesshisi boldy. Endi ol Aq úıdegi senim basqarmasynyń bas keńesshisi bolady, dep jazady BILD.
Eske salaıyq, AQSh prezıdenti Donald Tramp New York Post tabloıdyna bergen suhbatynda Reseı prezıdenti Vladımır Pýtınmen telefon arqyly Ýkraınadaǵy soǵys týraly sóıleskenin aıtqan. Buǵan deıin Tramp Gazadaǵy soǵysty toqtatý nıeti týraly málimdegen edi.